'''IP''' é un [[acrónimo]] do [[lingua inglesa|inglés]] "'''''Internet Protocol'''''" (ou '''Protocolo da Internet'''), que é un protocolo usado entre dúas máquinas en [[rede de computadores|rede]] para [[routing|encamiñamento]] dos datos.
Os datos nunha rede IP envíanse en bloques referidos como paquetes ou datagramas (os termos son basicamente sinónimos no IP, sendo usados para os datos en diferentes lugares nas capas IP). En particular, no IP ningunha definición é necesaria antes de que o host tente enviar paquetes para un host co cal non se comunicou previamente.
O IP ofrece un servizo de datagramas non confiábel (tamén chamado de ''mellor esforzo''); ou sexa, o paquete ven case sen garantías. O paquete pode chegar desordenado (comparado con outros paquetes enviados entre os mesmos hosts), tamén poden chegar duplicados, ou poden ser perdidos por enteiro. Se a [[Programa informático|aplicación]] precisa de confiabilidade, esta engádense na [[capa de transporte]].
Os [[router]]s úsanse para reencamiñar datagramas IP a través das redes interconectadas na segunda capa. A falta de calquera garantía de entrega significa que o deseño da troca de paquetes faise de forma máis simplificada. (Note que se a rede cae, reordena ou doutra forma damnifica un gran número de paquetes, a performance observada polo usuario será pobre, logo a maioría dos elementos de rede tentan arduamente non facer este tipo de cousas - ''mellor esforzo''. Con todo, un erro ocasional non irá producir ningún efecto notábel.)
O IP é o elemento común atopado na [[internet]] pública dos días de hoxe. É descrito no RFC 791 da [[IETF]], que foi pola primeira vez publicado en setembro de 1981. Este documento describe o protocolo da capa de rede máis popular e actualmente en uso. Esta versión do protocolo designase de versión 4, ou IPv4. O [[IPv6]] ten enderezo de orixe e destino de 128 bits, ofrecendo máis enderezos que os 32 bits do IPv4.
