Estrato (xeoloxía): Diferenzas entre revisións

Os estratos horizontais e uniformes poden evolucionar, en presenza de forzas tectónicas, sufrindo cambios de posición (''basculamento'', que pode levar incluso á súa inversión) e de forma ([[pregamento]]). Ademais algúns estratos aparecen desde a súa mesma orixe inclinados entre si e de espesor desigual, como ocorre na ''estratificación cruzada''. A xénese da estratificación cruzada é bastante simple nos procesos de recheo por sedimentos arrastrados polos ríos (areas, [[arxila]]s) cando chegan ao pé demonte dunha cordilleira e forman [[Cono de dexección|conos de dexección]], [[Terraza aluvial|terrazas]] e outras formas menores do relevo. Estes sedimentos dispóñense de acordo coa gravidade, e que se crucen entre sísi obedece a un cambio no curso do río que se desvía con cada enchente importante, que moitas veces son esporádicas como é típico nos climas áridos, polo simple feito de que a enchente do río produciu unha acumulación que as augas do río teñen que rodear pola súa maior altura, depositándose agora con [[buzamento]] (é dicir, unha inclinación), sentido e espesor diferentes. Co paso do tempo, esas areas ou arxilas poden consolidarse e formar rochas sedimentarias (arenitos, por exemplo, como é o caso da imaxe do Canón do Antílope) pero que conservaron a disposición orixinal das areas que formaron ditas rochas. Tamén pode verse unha [[estratigrafía|descontinuidade estratigráfica]] no centro da imaxe.