Wchutemás: Diferenzas entre revisións

Ao mesmo tempo, pero doutra banda, [[Vladimir Tatlin|Vladímir Tatlin]] expón o [[Construtivismo (arte)|construtivismo]] e [[Alexander Rodchenko|Aleksandr Ródchenko]] o non-obxectivismo, que teñen en común o abandono de todo referente obxetual e a construción dunha nova realidade. A partir da influencia recibida por parte dos [[Colaxe|collages]] de [[Pablo Picasso|Picasso]] e [[Georges Braque|Braque]], Tatlin comeza a facer as súas primeiras obras construtivistas, os ''contrarrelevos'', que consistían en murais abstractos construídos con madeira, perfís de metal, arame, etc. Máis tarde, en 1919, estes ''contrarrelevos'' perfilarían o deseño do Monumento á Terceira Internacional, considerado a principal obra do construtivismo.

 

 

== O Curso Básico ==

Wchutemás tivo un estreito paralelo coa [[Bauhaus]] alemá, na súa intención, organización e alcance. As dúas escolas foron as primeiras en formar a deseñadores-artistas nunha forma moderna, case como a coñecemos hoxe en día.<ref name="GSE">(en ruso) [[Gran Enciclopedia Soviética]], [https://web.archive.org/web/20050503051137/http://www.cultinfo.ru/fulltext/1/001/008/007/304.htm ''Вхутемас'']</ref> A Wchutemás coincidiu, e de algún xeito foi precursora, nos eidos que desenvolvería a Bauhausː o deseño de produto funcionalista (tanto na arquitectura como no deseño de mobiliario, etc.) na que a estetica non desaparecía, senón que era derivada da función e a solución ao problema que resolvía, as materias de cerámica e téxtil (impartida na Bauhaus por xente como Annie Albers ou Paul Klee), ou a importancia fundamental do [[Cor na arte|cromatismo na arte]], no deseño e na teoría da cor (aínda que esa importancia foi reducida no período dirixido por [[Hannes Meyer]] e logo da marcha de [[Johannes Itten]]). Ambas as escolas foron patrocinadas polo estado, as iniciativas de fusionar a tradición artesanal coa tecnoloxía moderna, cun Curso Básico de principios [[Estética|estéticos]], cursos de teoría da [[cor]], [[deseño industrial]] e arquitectura.

 

 

A influencia de Wchutemás foi expansiva, con todo, a escola exhibiu dúas estruturas polo profesorado e traballos de estudantes premiados na Exposición de Artes Decorativas de 1925 de París.<ref name="Curtis">Curtis, Penelope. ''Sculpture 1900–1945: After Rodin'', Oxford University Press, 1999, páxina 188, ISBN 0-19-284228-5.</ref> Ademais, Wchutemás atraeu o interese de varias visitas do director do [[Museo de Arte Moderna (Nova York)|Museo de Arte Moderna]], Alfred Barr.<ref name="Kantor">Kantor, Sybil Gordon. ''Alfred H. Barr, Jr., and the Intellectual Origins of the Museum of Modern Art'', [[MIT Press]], 2002, ISBN 0-262-61196-1.</ref> Co internacionalismo da arquitectura e o deseño moderno, houbo moitos intercambios entre Wchutemás e Bauhaus.<ref>Colton, Timothy J. ''Moscow: Governing the Socialist Metropolis'', [[Harvard University Press]], 1995, páxina 215, ISBN 0-674-58749-9.</ref> O segundo director da Bauhaus, [[Hannes Meyer]], tratou de organizar un intercambio entre as dúas escolas, mentres que Hinnerk Scheper-Hughes da Bauhaus colaborou con varios membros de Wchuteín no uso da cor na arquitectura e someteu a unha crítica reflexión, mediante unha carta aberta aos alumnos, as tendencias académicas de Wchutemás. Ademais, El Lissitzky, que visitou varias veces a Bauhaus, publicou un libro, Rusia, unha Arquitectura para a Revolución Mundial, en [[Lingua alemá|alemán]] en [[1930]], onde figuran varias ilustracións de proxectos destacados de Wchutemás/Wchuteín. Outra conexión entre Wchutemás e Bauhaus foi a visita que [[Kasimir Malevich|Kazimir Malévich]] realizou á Bauhaus en 1927, onde expuxo os seus cadros e publicou na serie da Bauhaus, ''Bauhausbücher'' un libro titulado ''Die Gegenstandslose Welt'' (en galego, ''O mundo sen obxectos''), unha recompilación de ensaios xa publicados entre 1920 e 1926. Ambas as escolas floreceron nun período relativamente liberal, e pecháronse baixo a presión, cada vez maior, de réximes totalitarios, aínda que a de Berlín foi clausurada e a de Moscova modificada, dividida en seis escolas.

En 1930, por resolución do goberno disólvese o Wchutemás e é substituído por varias escolas ou institutos especializados, entre eles o MVTU co que formou o Instituto de Arquitectura e Construción de Moscova, que se transformou en Instituto de Arquitectura de Moscova en [[1930|1933]], o Instituto Poligráfico de Moscova, a Facultade de Belas Artes, o Instituto Téxtil de Moscova.<ref name="ШКОЛА МОДЕРНИЗМА">(en ruso) КАК проект, [http://kak.ru/columns/serov/a2609/ ШКОЛА МОДЕРНИЗМА.] {{Wayback|url=http://kak.ru/columns/serov/a2609/|date=20070910093014}} Consultada o 2 de agosto de 2007.</ref><ref>Moscow Architectural Institute, [http://www.miarch.ru/eng/history/ ''History of the Institute''.] Consultada o 2 de agosto de 2007.</ref> O Movemento Moderno que o Wchutemás axudara a xerar, considerouse críticamente como formalismo abstracto, e separouse historicamente no [[realismo socialista]], o [[:en:Postconstructivism|postconstrutivismo]], e o [[:ru:Сталинский ампир|Estilo Imperio]] da [[:en:Stalinist architecture|arquitectura estaliniana]].<ref name="RosDesign">(en ruso) M. Klyuev, [http://www.rosdesign.com/design/istorofdesign_rus.htm ''Российское направление развития дизайна.''], RosDesign.</ref> Xunto co fin do Wchutemás desvanécese a vangarda rusa no campo das artes plásticas.

 

== Véxase tamén ==

 

* [[Bauhaus]]

* [[Construtivismo (arte)|construtivismo]]

* [[Alexander Rodchenko|Aleksandr Ródchenko]]

 

* [https://web.archive.org/web/20070927012213/http://www.schicklerart.com/auto_exh/November%201 Traballos de Wchutemás en schicklerart]

*[https://mosmuseum.ru/exhibitions/p/vhutemas/ Вхутемáс 100. Exposición do centenario da escola] (en ruso)

*[https://www.youtube.com/watch?v=bVTRtfQGpu8 Vídeo anunciando a exposición do centenario da escola] (en ruso)

* [https://www.vieiros.com/enlaces/novas/doc/0421674001201092416-numero-cero-do-xornal-galicia.pdf Entrevista a Díaz Pardo, falando da influencia da Wchutemás e a Bauhaus sobre o Laboratorio de Formas de Galicia.]

 

[[Categoría:Deseño gráfico]]

[[Categoría:Deseño industrial]]