Cañita Brava: Diferenzas entre revisións

Sen dúbida, Cañita tomoulle gusto á cámara e á alfombra vermella, e coa entrada no novo milenio protagonizou o film curto ''Los invasores'', no que interpreta a un policía en misión secreta na procura dunha rapaza que ninguén sabe onde se atopa. Editouse tamén a banda de son desta película, recibida con división de opinións pola crítica musical especializada, e nesta ocasión tampouco puido Cañita escapar da controversia. Ao pouco de edita-lo disco, apareceron unhas declaracións súas no diario [[''La voz de Galicia'']] nas cales se queixaba de que a xente non mercaba o disco porque estaba a descargalo gratuitamente de internet, un feito que proba, unha vez máis, o éxito sen precedentes do que o artista de As Xubias segue a disfrutar despois de máis de quince anos de carreira. Unha carreira sólida e exitosa coma poucas e que, sen dúbida, aínda ha depararnos máis dunha sorpresa no futuro.