Dictis (fillo de Magnes): Diferenzas entre revisións
comezo, a partir da Bibliografía máis a información da esWiki |
(Sen diferenzas.)
|
Revisión como estaba o 6 de marzo de 2021 ás 19:33
Esta páxina ou sección está a editarse nestes intres. Para evitar posibles conflitos de edición, non edites esta páxina ou sección mentres vexas esta mensaxe. Revisa o historial de edicións para saber quen traballa nela. O usuario Lameiro (conversa · contribucións) realizou a última edición na páxina hai 3 anos. O tempo máximo de presenza deste marcador é dun mes dende a última edición do usuario que o puxo; pasado ese tempo debe retirarse. |
Na mitoloxía grega, Dictis foi o fillo de Magnes, rei de Sérifos (illa do mar Exeo). Compartía o reino co seu irmán Polidectes pero foi destronado por el.
Un oráculo anunciou a Acrisio, rei de Argos que morrería a mans do seu propio neto. Para evitalo, encerrou a súa filla Dánae nunha torre de bronce (ou nunha cámara subterránea dese material) para impedir que tivese trato con ningún varón, pero non puido evitar que o rei dos deuses, Zeus, se transformara nunha fina choiva de ouro que caeu sobre Dánae e a deixara embarazada de Perseo [1].
Cando Acrisio se decatou, non creu na orixe divina do neno, e botou ó mar á filla co meniño, dentro dun cofre de madeira. O mar foi acougado por Poseidón ante a petición de Zeus, polo que nai e fillo sobreviviron e alcanzaron a costa da illa de Sérifos. Na illa gobernaba o rei Polidectes pero foi o seu irmán Dictis quen os recolleu e protexeu.
Pero Polidectes terminou namorándose de Dánae e, para librarse da presenza de Perseo, mandouno buscar a Medusa e traer a súa cabeza. Perseo cumpriu a orde con éxito pero cando regresaba a Sérifos comprobou que Polidectes acosara á nai e que Dictis e mais ela tiveron que protexerse nun templo. Entón, Perseo foi onda Polidectes e, sacando a cabeza de Medusa que levaba nunha bolsa, mostrouna a tódolos presentes, que quedaron petrificados [2]. A seguir, restableceu no trono a Dictis.
Os atenienses consagraron a este rei e á súa dona Climena un altar no templo de Perseo.