Próstata: Diferenzas entre revisións

A '''próstata''' (do grego προστάτης - prostates, literalmente "o que está primeiro", "protector", "gardián") é un [[órgano (bioloxía)|órgano]] [[glándula|glandular]] do [[aparato xenitourinario]], exclusivo dos homes, con forma de [[castaña]], localizada enfronte do [[recto]], debaixo e á saída da [[vexiga|vexiga urinaria]]. Contén [[célula]]s que producen parte do líquido seminal que protexe e nutre os [[espermatozoide]]s contidos no [[seme]].

Durante o orgasmo, o esperma é transmitido desde os condutos deferentes á uretra, a través dos condutos exaculadores que entran na próstata. A próstata é con frecuencia chamada "o [[Punto G]] masculino". Algúns homes son capaces de alcanzar un orgasmo unicamente a través da estimulación da próstata, xa sexa unha masaxe prostática ou relacións sexuais anais. As sensacións da estimulación prostática son a miúdo similares ás descritas por mulleres acerca da estimulación do [[Punto G]].