Diego Cornide Saavedra: Diferenzas entre revisións

'''Diego Cornide Saavedra''', nado na [[A Coruña|Coruña]] en [[1699]] e finado na mesma cidade o [[3 de setembro]] de [[1776]], foi un avogado galego. Exerceu distitnos cargos na [[Real Audiencia de Galicia]]., Entree entre 1766 e 1771 serviu en México como asesor do vicerrei. Foi pai do ilustrado coruñés [[José Cornide Saavedra|José Cornide]]. Mandou edificar na Cidade Vella da Coruña a [[Casa Cornide]].

Diego Antonio Cornide Saavedra Becerra naceu nunha familia fidalga con orixes en [[Bendia, Castro de Rei|San Pedro de Bendia]] ([[Castro de Rei]]). O seu pai, Manuel Antonio Cornide Saavedra y Gayoso, casou na Coruña con Isabel Magdalena Becerra y Llamas. Cornide, que herdaría do pai os títulos de señor de Mariz, Saá, Amoeiro e Cebreiro, estudou Dereito na [[Universidade de Santiago de Compostela]]. Exerceu como avogado da Real Audiencia, onde desempeñaría, entre outros, o cargo de Alcalde da Sala do Crime.

O período de maior actividade de Cornide correspóndese coa designación en 1756 como [[Capitanía Xeneral de Galicia|Capitán Xeneral de Galicia]] de [[Carlos Francisco de Croix, marqués de Croix]], cargo que aparellaba a Presidencia da Real Audiencia. Cornide debeu de ser un home de confianza do marqués de Croix, pois figura entre os promotores do Arquivo da Real Audiencia ou do Colexio de Avogados da Coruña. Deste último foi escollido como o seu primeiro decano en 1761. Neses anos mandou edificar a casa familiar na Cidade Vella da Coruña, coñecida como Casa Cornide.