Gamo: Diferenzas entre revisións

| name = Gamo europeo

O '''gamo común''' ou '''europeo'''<ref>{{DRAG|gamo}}</ref> ('''''Dama dama''''', ás veces chamado ''Cervus dama'') é unha [[especie]] de [[cérvido]] nativa da [[Mediterráneo|área mediterránea]]. Diferénciase do outro gran [[cérvido]] [[Europa|europeo]], o [[cervo común]] (''Cervus elaphus''), no seu menor tamaño, o seu manto de pelo pardo-avermellado salpicado de pintas brancas (ocasionalmente cunha banda escura no lombo) e as súas hastas palmadas.

Esta especie prefire os bosques de folla caduca relativamente húmidos, onde se alimenta preferentemente de follas de árbores e matogueiras e en menor medida de herbas. Na antigüidade, o gamo converteuse nunha presa cobizada polos cazadores, sobre todo os pertencentes ás clases altas. Isto, paradoxalmente, contribuíu á súa conservación e introdución en varios lugares onde antes non estaba presente ou se extinguira durante a derradeira [[glaciación|era glacial]]. A maior expansión produciuse durante o [[Imperio Romano]] e a [[Idade Media]], cando a especie foi introducida na [[Centroeuropa|Europa central]], as [[Illas Británicas]] e o sur da [[Península Escandinava]] e [[Finlandia]]. Con todo, a unha especie relacionada que vivía en [[Oriente Medio]], o [[gamo persa]] (''Dama mesopotámica''), foille considerablemente peor, e chegou a crerse extinta ata que se redescubriron unhas cantas cabezas nunha rexión afastada do sueste de [[Irán]]. Os gamos europeos adoitan ser habitantes habituais dos parques e xardíns de varios países, onde se crían con fins ornamentais.