Flor: Diferenzas entre revisións

* [[Melitofilia]]: é un sistema por medio do cal certas especies de plantas atraen a [[insectos]] [[himenópteros]], en particular [[abella]]s e [[avespa]]s, para que estes realicen a polinización. Os himenópteros teñen un aparello bucal suctor e buscan para alimentarse [[néctar]] que estea accesible, xa que os seus órganos bucais son curtos. As flores das especies melitófilas atraen ás abellas por medio dunha combinación de formas, fragrancias e cores. Así, as [[corola]]s son abolboretadas (por exemplo, as [[Leguminosas]] [[Faboideae|Papilionóideas]] como os [[trevo]]s e a [[alfalfa]]), labiadas (ou sexa, cos [[pétalo]]s unidos en dous grupos de modo que forman dous beizos, tal como nas [[Lamiáceas|labiadas]] e algunhas [[Asteraceae|compostas]]) ou con forma de fauce. As corolas presentan superficies para que o insecto se pouse e [[Guía de néctar|guías de néctar]] que sinalan a localización dos [[nectario]]s. Así mesmo, este tipo de flores produce substancias aromáticas en [[osmóforo]]s que se atopan na corola (por exemplo en ''[[Cítrico|Citrus]]''), na coroa ''([[Amarelle (planta)|Narcissus]]''), ou noutros órganos florais. Ás veces esta coevolución chegou ao momento en que a flor, para atraer aos machos dunha especie de abella, imita á femia da mesma especie, como foi descrito nos estudos relativos á [[polinización en orquídeas]].<ref>Proctor, M., Yeo, P. & Lack, A. (1996). ''The Natural History of Pollination''. Timber Press, Portland, OR. ISBN 0-88192-352-4

</ref><ref>Meeuse, B. & Morris, S. (1984) ''The Sex Life of Flowers''. The Rainbird Publishing Group ltd. London. ISBN 0-87196-907-6</ref>

 

=== Mecanismos de polinización ===