Vilachá, Pereira, O Pino: Diferenzas entre revisións

'''Vilachá''' é unha [[aldea]] de parroquia de [[Pereira, O Pino|Pereira]], no concello do [[O Pino|Pino]], a menos de 200 m ao sur da estrada nacional [[N-547]], que vai de [[Lugo]] a [[Santiago de Compostela|Santiago]], a uns 700 m. ao sur do [[Camiño de Santiago]] e a uns sete quilómetros ao leste do [[aeroporto da Lavacolla|aeroporto internacional de Lavacolla]]. Segundo o [[Instituto Galego de Estatística|IGE]]<ref>{{Cita web |url=http://www.ige.eu/igebdt/esq.jsp?paxina=002001&c=-1&ruta=nomenclator/nomenarbol.jsp#150661200 |título=Instituto Galego de Estatística, consulta do nomenclátor |editor=[[Xunta de Galicia]]}}</ref>, en [[2019]] tiña 76 habitantes (38 [[home]]s e 38 [[muller]]es).

Trátase dunha zona rural de pouca pendente, numerosos regatos e unha vexetación conformada principalmente por [[eucalipto]]s, [[piñeiro]]s e, aínda que en menor medida, [[carballo]]s. Ao igual que no resto de parroquias do concello do Pino, son frecuentes en Vilachá os agros de [[millo]] e [[verza]]. Apenas a 600 m. ao sur discorre o [[río Brandelos]], que nesta parte acaba por adentrarse no concello de [[Touro]].