Iraq: Diferenzas entre revisións

En outubro de [[2002]] un referendo ratificou a permanencia do ditador [[Saddam Husayn]] á fronte do estado durante 7 anos máis. Durante ese ano o presidente estadounidense [[George W. Bush]] insistía en que Iraq posuía armas de destrución masiva, e que debía destruílas tal e como estaba acordado nas diversas resolucións da [[Organización das Nacións Unidas|ONU]] acordadas despois da [[Guerra do Golfo]] de [[1991]]. Iraq aceptou cumprir unha nova resolución da ONU que acordaba o envío de inspectores da ONU a Iraq para verificar o armamento que tiña. En 2003, no contexto internacional xurdido tras os [[atentados do 11 de setembro de 2001]], o goberno dedos Estados Unidos e os seus aliados acusaron o réxime de Husein de posuír [[armas químicas]] e de [[Armas de destrución masiva en Iraq|destrución masiva]] como as que utilizou en 1988. A pesar da negación do réxime, o [[Consello de Seguridade das Nacións Unidas]] instou a Iraq con 3 resolucións (1441, 1483 e 1511), a que deixase paso a inspectores como [[Hans Blix]]. Ante os problemas e negativas para levar a cabo inspecciones, tivo lugar o [[Cume das Azores]], onde houbo un ultimato que deu lugar á [[Guerra de Iraq]], levada a cabo por unha nova coalición internacional. O réxime caeu en poucas semanas, e Saddam Husayn foi xulgado e executado en 2006 por un tribunal iraquí. Paralelamente, tivo lugar unha [[Guerrilla iraquí|insurxencia]] que atacaba tanto ás tropas da coalición, como a faccións sunnitas, e cometía indiscriminados atentados terroristas contra a poboación civil. A ocupación finalizou coa retirada das tropas americanas en 2011.