Domingos Merino: Diferenzas entre revisións

Nos anos 70 comezou a súa carreira política no [[Partido Socialista Galego|PSG]], encabezando a lista [[A Coruña|coruñesa]] da coalición [[Unidade Galega (coalición)|Unidade Galega]] para as [[Eleccións municipais na Coruña|eleccións municipais]] do 3 de abril de 1979. UG obtivo 5 concelleiros, un menos que o [[Partido dos Socialistas de Galicia|PSdeG-PSOE]], mais é elixido alcalde a cambio do apoio de UG aos candidatos socialistas en [[Vigo]] e [[Ferrol]].

Mantívose neste posto até marzo de [[1981]], cando voluntariamente decide someterse a unha [[moción de confianza]] que non chegou a prosperar, e pasa a alcaldía a mans da [[Unión de Centro Democrático|UCD]], o [[1 de abril]]. Trala integración de UG no [[Bloque Nacionalista Galego|BNG]] e posterior abandono en 1983, o [[PSG]] desintégrase: nace así o [[Colectivo Socialista Galego]], que participará na Asemblea de Riazor que constituíu o BNG, mentres que Domingos Merino e [[Claudio López Garrido]] pasarán a liderar o PSG, que se fusionará en [[1984]] con [[Esquerda Galega]] para dar lugar ao [[Partido Socialista Galego-Esquerda Galega|PSG-EG]]. Chegou a ser secretario xeral deste partido e deputado no [[Parlamento de Galicia|parlamento galego]] na terceira lexislatura dende outubro de [[1991]].

A principios dos 90 impúlsase, en parte dende o [[PSG-EG]], unha nova formación tamén co nome [[Unidade Galega (partido)|Unidade Galega]], e tralos malos resultados nas eleccións xerais e autonómicas de 1993, Merino intégrase xunto con esta formación no [[BNG]]. Polo [[BNG]] foi de novo deputado no parlamento galego na quinta e na sexta lexislatura.

En [[2005]] fíxose cargo da [[ValedorValedora do Pobo|vicevaledoría do Pobo]], a proposta do [[BNG]], cargo ao que renunciou en [[2012]] por motivos de saúde.<ref>[http://www.elidealgallego.com/articulo/galicia/el-exalcalde-corunes-domingos-merino-dimite-como-vicevaledor-do-pobo-por-motivos-de-salud/20121027004951083402.html "El exalcalde coruñés Domingos Merino dimite como vicevaledor do Pobo por motivos de salud"]</ref>

{{Listaref|30em}}