Xesús Alonso Montero: Diferenzas entre revisións

Nado en Vigo, onde os seus pais Benito Alonso e Angelina Montero rexentaban unha taberna na rúa Urzáiz. A familia trasladouse en 1938 a [[Ventosela, Ribadavia|Ventosela]] ([[Ribadavia]]), a terra dos avós (e do seu sobriño [[Manuel Rodríguez Alonso]]), onde pasou a súa infancia e adolescencia. Estudou o bacharelato en Ribadavia con [[Bernardino Graña]] e rematouno en Vigo no [[Instituto Santa Irene]] en 1948. Licenciouse en Filosofía e Letras na [[Universidade de Madrid]]. Foi profesor de Lingua e Literatura Española dende 1956, exerceu na [[Escola Normal de Santiago de Compostela]] e nos institutos de Palencia (1959-1960) e [[IES Lucus Augusti|Lugo]] (1960-1976). En [[1966]] doutorouse na [[Universidade de Salamanca]] cunha tese sobre [[Manuel Curros Enríquez]]. En 1976 é profesor titular de Literatura Española no Colexio Universitario de Vigo, despois pasou a ser profesor titular de Literatura Galega e foi catedrático de Literatura Galega da [[Universidade de Santiago de Compostela]]. Pola súa idade, pertence á xeración de escritores que comezaron o seu labor cultural após a [[guerra civil española]]. É militante do [[PCE|Partido Comunista]] desde [[1962]], represaliado en varias ocasións. Encabezou a candidatura do [[PCG]] pola [[provincia de Lugo]] nas [[Eleccións Xerais 1977 en España|primeiras eleccións democráticas]]. Foi catedrático de Lingua e Literatura Españolas de Escolas de Maxisterio, exercendo en [[Palencia]], [[Lugo]] e [[Madrid]].