Erinias: Diferenzas entre revisións

''Nome propio.'' Divinidades gregas, correspondentes ás '''''[[Furias]]''''' romanas.

 

As Erinias, deusas encargadas de castigar os crimes, especialmente os delitos de sangue, son tamén chamadas '''Euménides''' ''(Εὐμενίδες)'', que en grego significa « as bondadosas », eufemismo usado para evitar pronunciar o seu verdadeiro nome, por medo de atraer sobre sí a súa cólera. En Atenas, usábase como eufemismo a expresión '''Semnai Deai''' (''σεμναὶ θεαί''), ou « deusas venerables ».

En Roma, as Erinias reciben o nome de '''Furias''' ''(Furiæ'' ou ''Diræ)''.

 

Nacidas das gotas do sangue de [[Urano]] caído sobre [[Gaia]] cando o seu fillo, [[Cronos]] o castra, estas tres irmás encarnan a vinganza e habitan, segundo as versións, o Erebo ou o [[Tártaro]], o inframundo, onde descansan ata que son de novo reclamadas na Terra. Os seus nomes son:

* '''Alecto''', (''Ἀληκτώ'' a implacable), eternamente encolerizada. Encárgase de castigar os delitos morais como a ira, a cólera, a soberbia, etc. Ten un papel moi similar ó de [[Némesis]], coa diferencia de que se esta se ocupa do referente ós deuses, Alecto ten unha dimensión máis "terrenal".

As Erinias son representadas comunmente como mulleres aladas de aspecto terrorífico, cuns ollos dos que mana o sangue, e cabeleiras de serpes, estando moitas veces acompañadas por moitos destes animais. Adoitan portar como atributos propios látegos e fachos.

 

Na Antigüidade, sacrificábanselles carneiros negros, así como libacións de nephalia (''νηφάλια''), ou augamel.

 

Existe en Arcadia un lugar no que se atopan dous santuarios consagrados ás Erinias. Nun deles, elas reciben o nome de '''Maniai''' (''Μανίαι'', as que volven tolo). Neste lugar, segundo a lenda relatada por '''Esquilo''' na súa traxedia ''As Euménides'', perseguen a Orestes por primeira vez, vestidas de negro. Cerca de alí, e segundo conta '''Pausanias''', atópase outro santuario onde o seu culto asóciase ó das [[Cárites]], « deusas do perdón ». Neste santuario purifican a Orestes, vestidas completamente de branco. Orestes, unha vez curado e perdoado, adicará un sacrificio expiatorio ás '''Maniai'''.