Pazo do Picón: Diferenzas entre revisións

A meirande parte do pazo está construído con bos perpiaños de granito, tanto nas esquinas como nas aperturas (fiestras e portas), completándose os muros con mampostaría de [[lousa]] que está extensamente encalada. Ten forma de U aberta con prolongacións ao exterior, especialmente polo corpo duns 1.500 m² que se estende ao nordés e que, co corpo principal do pazo, presentaría a tradicional forma de L e unha planta total duns 500 m². Porén, a estes espazos hai que engadirlles outros corpos de menores dimensións, orientados ao suroeste, que ocupan unha planta duns 570 m². A disposición de todas estas construcións dá como resultado a aparición de dous pequenos patios, un máis pechado que o outro. O patio do suroeste é máis amplo e está rodeado de distintas edificacións, servindo orixinalmente como patio de carruaxes. O patio do nordés é máis pequeno e nel atopase o patín e solaina, dispoñendo de decoración herbácea e limitando co gran xardín exterior. Por fin, separado uns metros no lado sueste, seguindo paralelamente o camiño de entrada, hai un pombal circular.

Nas inmediacións to pazo atópase unha antiga vivenda en pedra chamada a '''Casa da Rúa''', lugar desde o que arranca cara ao nordés un paseo de [[cedro]]s que van rematar na carballeira de Santa Cristina. Ademais, no camiño privado que dá acceso ao pazo, a uns 125 m deste, atópase o chamado '''cruceiro do Pazo do Picón''', de probable orixe barroca. O seu fuste octogonal está apoiado sobre catro chanzos. Conta cun chapitel de [[orde composta]] rematado nunha cruz [[cilindro|cilíndrica]] que posúe as imaxes do Crucificado e da Virxe en cada lado.