Terpeno: Diferenzas entre revisións

Denomínase '''vía da 5-Fosfono-1-Desoxi-D-Xilulosa''' (vía DXP) ou '''vía do 2-C-metil-D-eritrol 4-fosfato'''. Esta vía ten lugar sobre todo nos [[plasto]]s das plantas e en moitas células procariotas. Por esta ruta sintetízanse sobre todo monoterpenos, diterpenos e carotenoides. Descubriuse cando Flesch observou en 1988 que os patróns de marcaxe isotópica en terpenos hopanoides das bacterias ''[[Rhodopseudomonas]]'' non coincidían cos correspondentes a unha biosíntese pola [[vía do mevalonato]].<ref>{{Cita publicación periódica |autor=Flesch, G.; Rohmer, M. |título=Prokaryotic hopanoids: the biosynthesis of the bacteriohopane skeleton |publicación=European Journal of Biochemistry |volume=175 |número=2 |páxinas=405–411 |ano=1988 |doi=10.1111/j.1432-1033.1988.tb14210.x}}</ref> Estudos posteriores encontraron que existía unha segunda alternativa independente do mevalonato para biosintetizar unidades isoprénicas en bacterias e plantas. Nesta vía, unha unidade de ácido pirúvico (Pyr), procedente da degradación de [[carbohidratoscarbohidrato]]s, condénsase nunha reacción entre o grupo [[carbonilo]] do piruvato co grupo carbonilo do D-[[gliceraldehido 3-fosfato]] (G3P), para dar a 5-Fosfono-1-desoxi-D-xilulosa (DXP). Por medio dunha [[condensación aldólica]] inversa, xérase o [[2-C-metileritritol 4-fosfato|4-fosfono-2-''C''-metil-D-eritritol]] (MEP). Este intermediario conxúgase por medio dunha [[substitución nucleofílica]] cunha unidade de citidilribósido, por acción do [[CTP]], para formar 4-(CDP)-2-''C''-metil-D-eritritol (CDP-ME). Este composto fosforílase no carbono 2, onde se forma o intermediario fosforilado CDP-EMP e despraza o citidilribósido para obter o 2-''C''-metil-D-eritritol-2,4-ciclofosfato (MEcPP). Por rotura redutiva do ciclo dáse unha reacción de eliminación para formar o pirofosfato de 4-hidroxi-3-metil-but-2-enilo (HMB-PP). O paso final consiste na eliminación do grupo [[hidroxilo]] para obter o catión [[alilo|alílico]] correspondente, o cal pode transpoñerse de tal forma que se isomerizan de maneira reversible o IPP e o DMAPP. [[Ficheiro:Non-mevalonate pathway.svg|miniatura|600px|centro|Ruta do DXP]]