Marlon Brando: Diferenzas entre revisións

En base a estes éxitos, a carreira de Brando seguiu en ascenso. Nos anos seguintes interveu en varias películas de xéneros diversos, incluída a comedia, como en ''A casa de té da lúa de agosto'', na que dá vida a un xaponés que fai de intérprete para as forzas de ocupación americanas. Con todo, ao final dos [[Década de 1950|anos cincuenta]] as súas interpretacións comezaron a decaer. Brando parecía perder a súa forza expresiva e as pautas que el mesmo establecera para o seu traballo e que lle deron tan bo resultado.

 

 

As cousas cambiaron para Brando cando se lle presentou a oportunidade de interpretar ao xefe dunha familia mafiosa en ''[[O padriño]]'' (''The Godfather''). Foi Brando quen insistiu en que se fixese unha proba filmada do personaxe interpretado por el, e ocupouse persoalmente da maquillaxe. O director [[Francis Ford Coppola]] quedou impresionado por Brando caracterizado como [[Vito Corleone]] e tivo que loitar por convencer aos produtores para que aceptasen a Brando para este papel.