Revolución Rusa de 1917: Diferenzas entre revisións

A economía no seu conxunto seguía sendo arcaica.<ref>[[Marc Ferro]],''La Révolution de 1917'', Aubier, Paris, 1967, p. 36.</ref> O valor da produción industrial en [[1913]] era dúas veces e media menor que o de [[Terceira República Francesa|Francia]], seis veces menor que o de [[Imperio alemán|Alemaña]] e catorce veces menor que o de [[Estados Unidos]].<ref>[[René Girault]] e Marc Ferro, ''Da Russie à l'URSS. L'histoire de la Russie de 1850 à nos jours'', Nathan, 1989.</ref> A produción agrícola continuaba sendo deficiente e a falta de transportes paralizaba calquera intento de modernización económica.<ref>[[Marc Ferro]],''La Révolution de 1917'', Aubier, Paris, 1967, p. 39.</ref> O [[Produto Interior Bruto|PIB]] [[per cápita]] naquela época era inferior ao de [[Hungría]] ou ao de [[España]] e, aproximadamente, supoñía unha cuarta parte do dedos Estados Unidos.<ref>3.593 [[Dólar estadounidense|dólares]] per cápita en Rusia en 1913 e 13.327 dólares en EE.UU.</ref> Ademais, o país estaba dominado sobre todo por capital estranxeiro, posuíndo este case a metade das accións rusas.<ref>[[Richard Pipes]], La Révolution russe, PUF, 1993, p. 71</ref> O proceso de industrialización foi violento e mal aceptado polos campesiños, que foran bruscamente [[proletariado|proletarizados]]. A clase obreira nacente, aínda que numericamente pequena, concentrábase nas grandes zonas industriais, o que facilitou a crecente conciencia [[revolución|revolucionaria]].<ref>[[Lev Trotski]], «Particularités du développement de la Russie», en ''Histoire de la révolution russe. 1. Février, Paris, Éditions du Seuil, 1950, pp. 39-52.</ref>