Segar's Roll: Diferenzas entre revisións
Nova páxina: "{{Manuscrito | nome = Segar's Roll | localización = College of Arms | imaxe = The Segar's Roll.jpg | descrición = Páxina da copia facsimilar do ''S..." |
(Sen diferenzas.)
|
Revisión como estaba o 3 de maio de 2020 ás 21:03
O Segar's Roll é un armorial inglés que data de arredor de 1282. O orixinal perdeuse contra mediados do século XVII, mais consérvanse varias copias, algunha delas en facsímile. Nel documéntase o testemuño máis antigo coñecido do escudo de Galiza.
| Segar's Roll | |
|---|---|
| College of Arms | |
 Páxina da copia facsimilar do Segar's Roll | |
| Tamén coñecido como | Armorial Segar |
| Tipo | Armorial |
| Data | c. 1282 |
| Lugar de orixe | Inglaterra |
| Lingua(s) | Anglonormando |
| Material | Pergamiño |
| Dimensións | 2,97 m × 15 cm |
| Formato | Rolo |
| Condición | Desaparecido |
| Contido | 212 armas |
| Posesións previas | Segar |
| Identificador | L.14/1 (1600) Harl.6137 (1605) ms.664/8/r22 (1640) |
| [ modificar datos en Wikidata ] | |
Características
Este armorial era un auténtico rolo de armas (roll of arms)[a] cuxo pergamiño medía uns 2,97 m de longo e 15 cm de largo. Recibe o nome do seu último propietario e foi datado grazas á aparición dun personaxe que sucedeu na súa casa en 1281 e doutros dous que finaron no ano seguinte.[1][2]
Aínda que o orixinal desaparecera a mediados do século XVII, del fixéronse cinco copias, catro ilustradas e unha brasonada. A máis fiel e temperá copia facsimilar foi realizada contra 1600 e consérvase na que é a máxima autoridade heráldica de Inglaterra: o College of Arms. Unha segunda copia facsimilar, mais de inferior cualidade, áchase na Society of Antiquaries of London e data de 1640. Das dúas ilustradas que restan, ambas sen corar, unha está tamén no College of Arms e a outra na Biblioteca Británica, datando dos anos 1600 e 1605 respectivamente. Por último, a brasonada atópase no Stratford Shakespeare Trust.[3]
Tiña pintados 212 escudos de armas en ringleiras de catro, pertencentes a reis e a diferentes estamentos da nobreza inglesa.[3] Xunto a outros escudos de monarquías europeas aparece a primeira representación coñecida do escudo de Galiza: tres cálices de ouro sobre un campo de azur. Trátanse dunhas armas falantes, pois indubidabelmente o autor do Segar atribuíu ó «rey de Galyce» o símbolo do cáliz debido á proximidade fonética existente na lingua anglonormanda entre «Galice» (Galiza) e «calice» (cáliz).[1][2]
Galería de imaxes
-
Copia de 1600. -
Copia de 1605. -
Copia de 1640.
Notas
- Referencias
- ↑ 1,0 1,1 Menéndez Pidal 1999, p. 288-289.
- ↑ 2,0 2,1 Pardo de Guevara 2007, p. 34, 38, 74.
- ↑ 3,0 3,1 Clemmensen 2017, p. 101-102.
Véxase tamén
Wikimedia Commons ten máis contidos multimedia na categoría: Segar's Roll  |
Bibliografía
- Clemmensen, Steen (2017). Armorials - listed by Sigla (PDF) (versión PDF). Ordinary of Medieval Armorials (en inglés) (2.ª ed.). Farum, Dinamarca.
- Menéndez Pidal, Faustino (1999) [1990]. "El origen inglés de las armas de Galicia". Leones y Castillos. Emblemas heráldicos en España (en castelán). Madrid: Real Academia de la Historia. pp. 285–300. ISBN 84-89512-39-6.
- Pardo de Guevara, Eduardo (2007). "O escudo de Galicia. Orixe, significacións e evolución" (PDF). En Barreiro Fernández, Xosé Ramón; Villares, Ramón. Os Símbolos de Galicia (PDF). Santiago de Compostela: Consello da Cultura Galega; A Coruña: Real Academia Galega. pp. 33–78. ISBN 978-84-96530-46-1.