O '''huastecahuasteco''' é unha [[Linguas maias|lingua maia]] falada polo [[pobo huasteco]], que habita no norte da costa do [[golfo de México]], nos estados de [[Estado de San Luis Potosí|San Luis Potosí]], [[Estado de Veracruz|Veracruz]] e [[Estado de Tamaulipas|Tamaulipas]]. É a única lingua viva da póla huastecana desa familia lingüística trala extinción do [[Lingua chicomucelteca|chicomucelteco]], confirmada na década de 1980. Tamén é a única que se atopa fóra do gran ámbito territorial das linguas maias, é dicir, o sueste de [[México]], [[Guatemala]] e [[O Salvador]]. As hipóteses para explicar esta separación apuntan a dúas posibilidades: que antes da separación lingüística, había un corredor de [[linguas maias]] que abranguía toda a costa do golfo, ou ben; que hai uns tres mil anos, os falantes do devanceiro do huasteco emigraron dende a área nuclear maia cara ó norte.
O nome da lingua na propia fala é ''Téenek'', aínda que é coñecida polo xeral como "huasteco". Este é en realidade o nome [[Lingua náhuatl|náhuatl]] que pasou despois ó [[lingua castelá|castelán]].