El regionalismo: Diferenzas entre revisións

 

== Publicación e éxito literario ==

''El regionalismo. Estudio sociológico, histórico y literario'' foi publicada en Barcelona en 1889, na imprenta de Jaime Molinas. A obra tivo un enorme impacto entre a intelectualidade galega de finais de século e fixo que Alfredo Brañas se colocase á altura de [[Manuel Murguía]], quen era entón o principal representante do rexionalismo galego<ref>{{Cita libro|título=De provincia a nación. Historia do galeguismo político|apelidos=Beramendi González|nome=Justo|editorial=Xerais|ano=2007|ISBN=9788497826402|ref=}}</ref>. Así mesmo, a obra contribuíu a situar o rexionalismo galego en posicións semellantes ás que viñan sostendo, dentro do estado español, os nacionalistas vascos e cataláns.

Así e todo, a crecente deriva do autor cara posicións máis tradicionalistas, próximas ao carlismo, e a súa morte en 1900 fixeron que a obra tivese menor impacto na seguinte xeración de galeguistas. A partir da creación das [[Irmandades da Fala]], os galeguistas comezan a orientarse cara posicións próximas ao republicanismo de esquerdas e o nacionalismo, afastándose así das teses de Brañas.

 

== Edicións modernas ==

''El regionalismo'' conta con dúas edicións modernas. La Voz de Galicia publicou en 1981 unha edición facsímil da orixinal. Esta edición engadía ao prólogo orixinal outro de [[Ramón Piñeiro]]<ref>{{Cita libro|título=El regionalismo|apelidos=Brañas|nome=Alfredo|editorial=La Voz de Galicia|ano=1981|ISBN=8460026027|ref=}}</ref>. En 1991 a Xunta de Galicia e El Correo Gallego publicaron unha edición en tapa branda<ref>{{Cita web|url=https://www.casadellibro.com/libro-el-regionalismo-gallego/mkt0005032562/7963865|páxina-web=|título=Casa del libro|data-acceso=1/04/2020}}</ref>.

 

== Notas ==