Dereito a morrer: Diferenzas entre revisións
Crear |
(Sen diferenzas.)
|
Revisión como estaba o 19 de marzo de 2020 ás 20:24
O dereito de morrer é un concepto ético e xurídico que sostén a liberdade dun ser humano paira acabar coa súa vida ou paira someterse a eutanasia voluntaria. Habitualmente alúdese á posesión deste dereito por parte de persoas cunha enfermidade terminal ou sen a vontade de continuar vivindo, ás que se pode permitir acabar coa súa propia vida, rexeitar un tratamento que prolongue a súa vida ou o uso do suicidio asistido ou a eutanasia. A cuestión de quen debería poder exercer este dereito adoita ser central no debate.
Algúns académicos e filósofos como David Benatar consideran este debate nos termos do antinatalismo. Debido a que os seres humanos non teñen capacidade de axencia no seu nacemento, ninguén debería ter autoridade sobre a decisión dunha persoa de continuar vivindo ou de morrer.[1]
Os defensores do dereito a morrer adoitan asocialo coa idea de que o propio corpo e a propia vida son unicamente propiedade dun mesmo e débese dispoñer deles como se considere conveniente. Aínda así, adóitase contrapor un interese estatal lexítimo que impida os suicidios irracionais. Por exemplo, Avital Pilpel e Lawrence Amsel consideran:
Os defensores contemporáneos do "suicidio racional" ou do "dereito a morrer" xeralmente esixen por "racionalidade" que a decisión de matarse a un mesmo sexa una elección autónoma do axente (é dicir, que non se deba a unha presión do médico ou da familia paira "facer o correcto" e suicidarse) que a elección sexa a "mellor opción nesas circunstancias" (desexada polos estoicos ou os utilitarios), así como outras condicións naturais como que a decisión sexa estable, que non sexa una decisión impulsiva, que non se deba a unha enfermidade mental, que leve a cabo tras unha deliberación, etc.[2]
As posturas relixiosas en torno ao suicidio varían desde as prácticas hinduistas e xainistas de suicidio non violento a través do xaxún (prayopavesa e salekana, respectivamente) até consideralo un pecado grave, como no catolicismo.
Notas
- ↑ Benatar, David (2017). The Human Predicament: A Candid Guide to Life's Biggest Questions. Oxford University Press. ISBN 9780190633844. OCLC 969543345.
- ↑ A Pilpel. "What is Wrong with Rational Suicide" (PDF).