Asta Nielsen: Diferenzas entre revisións

Setenta dos setenta e catro filmes de Nielsen fixéronse en [[Alemaña]] onde era coñecida simplemente como ''Die Asta'' (''A Asta''). Debido aos seus ollos grandes e escuros, a súa face con forma de máscara e a súa figura masculina, Nielsen adoitaba interpretar os papeis de mulleres porfiadas e apaixonadas que se vían envoltas en circunstancias tráxicas. Por mor da natureza erótica das súas interpretacións, os seus filmes foron duramente [[censura]]dos nos [[Estados Unidos de América|Estados Unidos]] e o seu traballo ficou relativamente descoñecido para a audiencia estadounidense. Dise dela que cambiou o xeito de actuar nos filmes, pasando dun estilo teatralizado a un máis naturalista.<ref name="Morris (1996)" /> Na [[década de 1920]] fundou o seu propio estudio de filmación en [[Berlín]], mais volveu a [[Dinamarca]] en [[1937]] co auxe do [[nazismo]]. A súa actividade cinematográfica rematará case co fin do cine mudo: só protagonizou un filme sonoro, ''Unmögliche Liebe'', en 1932. Nos seus últimos anos desapareceu como figura pública e converteuse en artista e autora.