Subtitulado ''Semanario independiente'', apareceu o [[6 de febreiro]] de 1910. Fundado por [[Ramón Pena Miró]] e [[Rosendo Vilariño Tenreiro]], foi dirixido por este último. Os dous fundadores máis [[Antonio Couceiro Freijomil]] formaban a Rredacciónredacción. Da parte artística encargarase [[Antonio Tenreiro Otero]]. Contou coa colaboración de [[Manuel Murguía]], [[Francisco Tettamancy]], [[Florencio Vaamonde]], [[Antón Villar Ponte]], [[Amador Rodríguez Guerra]] e [[Leopoldo Pedreira Taibo]]. Estaba en competencia co outro semanario eumés, ''[[Breamo (periódico)|Breamo]]''. No eido literario, incluíu versos humorísticos en galego do poeta [[Miguel López Torre]]. Os textos, de temática variada, ían ilustrados con fotogravados, caricaturas e debuxos. No derradeiro ano de vida, publicou 18 entregas do Folletín: "Pontedeume. Apuntes históricos", de Antonio Couceiro Freijomil. Cesou a súa publicación o [[29 de setembro]] de 1918, co número 449.
