Botánica: Diferenzas entre revisións

A '''botánica''', (do [[lingua grega|grego]] βοτάνη = herba) ou '''fitoloxía''' (do grego φυτόν = planta e λόγος = tratado), é unha rama da [[bioloxía]] e é a [[ciencia]] que se ocupa do estudo das [[planta]]s.<ref>{{DRAG|botánica}}</ref> O concepto de [[vexetal]], que estaba claro en tempos de [[Aristóteles]], quedou esvaecido polo avance do coñecemento, chegándose a definir como ''todo aquilo que estuda a botánica''. Na práctica, os botánicos estudan as [[planta]]s, as [[alga]]s e os [[Fungo (bioloxía)|fungos]]. No campo da botánica, hai que distinguir entre a botánica pura, cuxo obxecto é ampliar o coñecemento da [[natureza]]; e a botánica aplicada, cuxas investigacións están ao servizo da tecnoloxía agraria, forestal, farmacéutica etc.