Ciclo lisoxénico: Diferenzas entre revisións

O '''ciclo lisoxénico''' ou '''lisoxenia''' é un dos métodos de reprodución dos [[virus]]. A lisoxenia caracterízase pola integración do ácido nucleico dun virus [[bacteriófago]] (virus que infecta [[bacteria]]s) no cromosoma da bacteria [[hóspede]] ou a formación dun [[replicón (xenética)|replicón]] circular no citoplasma bacteriano. O material xenético do bacteriófago unha vez integrado denomínase '''profago''' ou prófago,<ref>BUSCatermos [https://aplicacions.usc.es/buscatermos/publica/buscas/busca.htm#107310 profago/prófago]</ref> e pode ser transmitido ás células fillas da bacteria en cada división celular, porque cando se fai a replicación do [[cromosoma bacteriano]] tamén se fai a do profago integrado. Todas as bacterias fillas levan o profago. Chegado un momento, algún estímulo, como pode ser a radiación [[ultravioleta]] ou a presenza de certas substancias químicas, pode facer que o profago orixine a formación de novos fagos, dando lugar a un [[ciclo lítico]], no que a proxenie de virus lisará a célula.<ref name=Campbell>{{Cita libro|last=Campbell and Reece|title=Biology|year=2005|publisher=Pearson|location=San Francisco|pages=338-339}}</ref> Os ciclos lisoxénicos poden tamén ocorrer en eucariotas, aínda que o método de incorporación do ADN non se comprende tan ben.