Franquismo: Diferenzas entre revisións

A orixe do franquismo foi a sublevación dunha parte do exército español contra o goberno da [[Segunda República Española|II República]] xustificándoo como un movemento [[contrarrevolucionario]] para impedir outro de inspiración [[comunismo|comunista]]<ref>Josep Fontana (ed.) ''España bajo el franquismo''. Editorial Crítica, 1986, páxina 11</ref> para substituílo por unha [[ditadura militar]] de forma provisoria ou definitiva<ref>Ismael Saz ''Fascismo y franquismo''. Universitat de València, 2004, páxina 129</ref> pero que se converteu nun réxime autoritario<ref>J. Linz, “An Authoritarian Regime: Spain,” en Allardt e Rokkan, eds., ''Mass Politics: Studies in Political Sociology'', 1964, pp. 251-283.</ref> no que Franco exercía a xefatura vitalicia en concepto de Caudillo.

Acabada a [[guerra civil española]] coa vitoria dos autodenominados ''[[Bando nacional|nacionais]]'', Franco pasou a ser a cabeza do Estado, proclamándose ''Caudillo de España pola graza de Deus''. Nos primeiros anos, o réxime franquista levou a cabo unha forte [[represión política|represión]] contra os adversarios, a súa función era fundamental para paralizar o inimigo polo terror e estaba alentada polos máximos dirixentes<ref>Josep Fontana (ed.) ''op. cit.'' páxina 18</ref>, deu apoio a [[Hitler]] e a [[Mussolini]] (quen o apoiaran na guerra civil) e practicou unha política [[Economía|económica]] [[autarquía|autárquica]]. Máis adiante, máis dunha década despois, o réxime estableceu contactos cos [[Estados Unidos de América|Estados Unidos]] e cambiou a política económica. Nos [[década de 1960|anos 60]] produciuse un incremento notable en comparanza cos niveis mínimos da última época do nivel de vida da poboación en xeral (propiciado polo ''desenvolventismo'' económico), se ben o nivel de liberdade persoal e política non aumentou consecuentemente.