|
A '''liga galega de rugby''' e a competición que enfronta ós [[:Categoría:Equipos de rugby de Galicia|clubs de rugby galegos]], divididos en dúas divisións, a LGR1 e a LGR2. A liga está organizada pola [[Federación Galega de Rugby|FGR]], que tamén organiza a [[Copa Xunta de Rugby]]. Tódolos clubs galegos participan na liga galega, mesmo os que compiten nas dúas competicións nacionais (a [[Liga Española de rugby|División de Honra A]] e [[División de Honra B de Rugby|División de Honra B]]), xa que os clubs que compiten en competicións nacionais teñen a obriga de ter equipos filiais nas súas ligas rexionais.
== Formato da competición ==
Na tempada 2017/18 a LGR1 conta con 6 equipos e a LGR2 con 8. Pontevedra e Mareantes compiten unidos nas dúas categorías de xeito temporal, previa fusión, prevista para a vindeira tempada:
{{col-begin}}
{{col-2}}
{{col-begin}}
{{col-2}}
:::'''LGR1'''
:::* Os Ingleses
:::* Ferrol
:::* Pontevedra/Mareantes
:::* Keltia
:::* CRAT (B)
:::* Lalín
{{col-2}}
;LGR2
* Muralla
* Vigo (B)
* Fendetestas
* Zalaeta
* Santiago
* Keltia
* Ourense (B)
* Pontevedra/Mareantes (B)
{{col-end}}
{{col-2}}
{{col-2}}
{{col-end}}
No caso da LGR1 o formato consiste nunca liga regular de 10 xornadas na que cada equipo se enfronta ós demais dúas veces, unha vez como local e outra vez como visitante. No caso da LGR2 son 14 as xornadas de liga regular que se disputan. Tralo remate da liga regular comezan as eliminatorias polo título e pola permanencia.
As eliminatorias polo título de campión son disputadas polos catro primeiros equipos da táboa e consiste en dúas semifinais (ida e volta no caso da LGR1, encontro único no caso da LGR2) e unha final (encontro único nas dúas categorías) que se disputa no campo do equipo mellor clasificado. As semifinais enfrontan ó 1º contra o 4º, e ó 2º contra o 3º.
O campión da liga galega de rugby ten preferencia á hora de disputar a fase de ascenso á [[División de Honra B]], a segunda división do rugby nacional. Para isto, o club debe cumprir certas condicións da [[Federación Española de Rugby]]. No caso de non as cumprir, o equipo que disputará esa fase de ascenso será o subcampión, ou no seu defecto, os seguintes clasificados na liga galega.
O ascenso da LGR2 á LGR1 é do seguinte xeito: o campión da LGR2 ascende directamente á LGR1. O último clasificado da LGR1 disputa unha eliminatoria a ida e volta contra o subcampión da LGR2. O gañador da eliminatoria obtén unha praza na LGR1, e o perdedor na LGR2.
== Campións ==
| 