Número primo: Diferenzas entre revisións

{{Números}}

'''Número primo''' é un [[número natural]] maior que 1 e que ten exactamente dous [[divisor]]es positivos distintos: 1 e el mesmo. Se un número natural é maior que 1 e non é primo, dise que é [[número composto|composto]]. Por convención, os números [[cero|0]] e [[un|1]] non son primos nin compostos.

O concepto de número primo é moi importante na [[teoría dos números]]. Un dos resultados da teoría dos números é o [[Teorema Fundamental da Aritmética]], que afirma que calquera número enteiro positivo pode ser escrito univocamente como o produto de varios números primos (chamados "factores primos"). Ao proceso que recibe como argumento un número e devolve os seus factores primos chámase [[descomposición en factores primos]]. Antes do desenvolvemento do cálculo automático, a determinación dos factores primos era un proceso traballoso en extremo, mais a finais do século XVIII xa existían, grazas ao labor dalgúns matemáticos, entre os cales estaban [[Anton Felkel]] e [[Jurix Batolomex Vega]], extensas táboas abranguendo o intervalo desde a unidade ata algúns millóns.