Estación Central de Ámsterdam

A Estación Central de Ámsterdam (en neerlandés: Amsterdam Centraal) é a principal estación ferroviaria de Ámsterdam, capital dos Países Baixos.

Vista aérea da estación central de Ámsterdam.

Construída entre 1881 e 1889, é obra do arquitecto Pierre Cuypers (autor do edificio do Rijksmuseum) e do enxeñeiro mecánico Dolf van Gendt. Actualmente é unha das principais estacións ferroviarias en todo o país, cun fluxo de máis de 250 000 pasaxeiros ó día. Xunto a ela atópase unha estación homónima do metro de Ámsterdam ademais de diversas paradas do sistema de tranvías da cidade.