Corinto antiga: Diferenzas entre revisións

 

O acceso ao foro desde a rúa do Lequeo estaba formado por un grande arco sobre o que Pausanias viu as cuadrigas douradas de Helios e do seu fillo [[Faetonte|Faetón.]] A continuación hai un pórtico detrás do cal está a fonte [[Anfitrite|Anfítrite.]] En uso xa en época arcaica e celebrada polas súas augas, a fonte sufriu numerosas modificacións até o arranxo monumental realizado polo mecenas [[Herodes Ático]] no século II, cun gran patio con tres ábsidas e un encoro rectangular ao descuberto{{harvnp|VV.AA.|1988|p=129}}<ref>Paunanias, ''op. cit.'', II,3,2.</ref><ref>Pausanias, ''op. cit.'', II,1,7.</ref>.

O lado leste da ágora está ocupado polos restos da Basílica Iulia, chamada así porque probabelmente foi construída na época de [[Octavio Augusto|Augusto.]] Serviu de tribunal e de sala de reunións. Baixo a escaleira de entrada atopouse en pedra calcaria, a liña de saída para os certames de carreiras no [[estadio]], que ocupaba gran parte da ágora grega{{harvnp|VV.AA.|1988|p=132}}.