Etiopía: Diferenzas entre revisións

Arredor do [[Século -VIII|século VIII a.C.]], un reino coñecido como [[Damot]] estableceuse ana [[rexión de Tigray]], no norte de Etiopía, e en Eritrea. A capital estaba localizada en [[Yeha]], no norte de Etiopía. Logo da caída de Damot durante o [[Século -IV|século IV a.C.]], a rexión foi dominada por pequenos reinos ata que no [[século I]] emerxeu o [[reino de Aksum]] no que hoxe é a rexión de Tigray e en Eritrea, e que máis tarde estendería o seu poder ao [[Iemen]], na outra beira do [[Mar Vermello]]<ref>{{cita libro |nome=David W. |apelidos=Phillipson |título=Ancient Ethiopia. Aksum: Its Antecedents and Successors |editorial=The British Museum Press |ano=1998 |páxinas=7, 48–50 |isbn=978-0-7141-2763-7 |lingua=en}}</ref>. Fontes [[Grecia antiga|gregas]] refiren que o reino de Aksum era extremadamente rico no século I e a cidade de [[Adulis]] é frecuentemente mencionada como un dos máis importante portos de África. Rexistros oficiais, con todo, colocan a cidade de [[Aksum]] como a capital. Este reino tiña, no [[século II]] dereito a tributo de estados da Península Arábica e conquistara incluso o reino [[Meroe|meroítico]] de [[Kush]], no actual [[Sudán]]. Hai indicacións do carácter cosmopolita deste reino, con poboacións [[Xudeu|xudaicas]], [[nubia]]s, [[Cristianismo|cristiás]] e mesmo minorías [[Budismo|budistas]]. Unha moeda datada no ano [[324]] mostra que este reino foi o segundo país en adoptar o cristianismo como relixión oficial despois de que o fixera [[Armenia]] no ano [[301]].