Codón: Diferenzas entre revisións

Un '''codón'''<ref>Vocabulario de Medicina. Servizo de Normalización Lingüística. USC. [http://www.usc.es/export/sites/default/gl/servizos/snl/terminoloxia/descargas/medicina.pdf codón]. Páxina 118.</ref><ref>Dicionario DIGALEGO [http://digalego.xunta.gal/digalego/Html/index.php?op=ver&id=15872&opcion=entrada&entrada=cod&oacute;n codón]</ref> é cada unha das agrupacións de tres nucleótidos seguidos (tripletes) que se atopan nos [[ARNm]] maduros e que codifican a información para a [[síntese de proteínas]]. O ARNm maduro está formado por codóns en toda a súa lonxitude agás nos seus dous extremos 5' e 3', que son zonas non codificantes. Aínda que a información xenética se almacena de forma permanente no [[ácido desoxirribonucleico|ADN]], esta, para expresarse, traspásase primeiro aos [[ARN]] durante a transcrición. Cada xene do ADN que codifica unha proteína transcríbese a un ARNm [[complementariedade (bioloxía molecular)|complementario]], que é o que será directamente traducido para proteínas nos [[ribosoma]]s do citoplasma. Por tanto, a información que é directamente descodificada durante a síntese proteica é a do ARNm e non a do ADN, polo que os codóns son tripletes do ARNm e levan [[uracilo]].