Hermenéutica: Diferenzas entre revisións

A '''hermenéutica metodolóxica''' foi entendida sucesivamente como Hermenéutica sacra (estudio dos principios [[metodoloxía|metodolóxicos]] a empregar na ''esexese'' dos textos bíblicos), ''Hermenéutica filolóxica'' (conxunto de regras encamiñadas á interpretación de textos relixiosos, literarios e xurídicos), Teoría xeral da interpretación (regras que afectan á interpretación de calquera expresión lingüística -concepción de [[Friedrich Schleiermacher|Schleiermacher]]-) e, por último, como ''Método das ciencias humanas'' ( aplicable a todo acto humano de comprensión, ben sobre textos ou ben sobre outras formas humanas de expresión artística e cultural ) . Segundo [[Wilhelm Dilthey]] a interpretación de calquera expresión cultural humana require dunha ''comprensión histórica''. En consecuencia, esta última ten que converterse no método específico de todas as ciencias humanas (''Geisteswissenschaften''). A hermenéutica proporcionaría as regras directrices da comprensión histórica, configurándose así na base metodolóxica das ciencias humanas (Historia, Socioloxía, Dereito etc.), en oposición á metodoloxía inductivista propia das ciencias da natureza (Física, Química etc.). Así, se o obxectivo das ciencias humanas é '''comprender''' o significado único e peculiar do evento estudiado, o das ciencias naturais consiste, en cambio, en '''explicar''' os fenómenos encadrándoos no marco dunha lei xeral.