[[Ficheiro:Peroxy-group.png|miniatura|150px|Estrutura xeral dun peróxido orgánico]]
Os '''peróxidos orgánicos''' son [[composto orgánico|compostos orgánicos]] que conteñen o [[grupo funcional]] [[peróxido]] (ROOR′). Se R′ é [[hidróxeno]], os compostos denomínanse hidroperóxidos[[hidroperóxido]]s orgánicos. Os '''perésteres''' teñen a estrutura xeral RC(O)OOR. O enlace O−O rompe facilmente, producindo [[radical libre|radicais libres]] da forma RO<sup>•</sup> (o punto representa un [[electrón desapareado]]). Así, os peróxidos orgánicos son útiles como [[iniciador de radical|iniciadores]] en varios tipos de [[polimerización]], como as resinas [[epoxi]] usadas en [[plástico reforzado con vidro|plásticos reforzados con vidro]]. Para este propósito utilízanse comunmente o [[peróxido de metiletilcetona|MEKP]] e o [[peróxido de benzoílo]]. Porén, a mesma propiedade tamén determina que os peróxidos orgánicos poidan intencionalmente ou non iniciar unha polimerización explosiva en materiais con [[enlace insaturado|enlaces químicos insaturados]], e este proceso pode utilizarse en [[explosivo]]s. Os peróxidos orgánicos, igual que os inorgánicos, son potentes axentes branqueantes.<ref>Klenk, Herbert; Götz, Peter H.; Siegmeier, Rainer; Mayr, Wilfried, "Peroxy Compounds, Organic", Ullmann's Encyclopedia of Industrial Chemistry, Weinheim: Wiley-VCH</ref>
