Consello Soberano de Asturias e León: Diferenzas entre revisións

A situación de illamento da fronte do norte, a 200 quilómetros en liña recta das posicións republicanas máis próximas, coa subseguinte escaseza de abastecementos bélicos e alimentarios, propiciou que poderes locais asumiran funcións que eran competencia do goberno da República, coma o mando das milicias ou a cuñaxe de moedas. En [[Principado de Asturias|Asturias]], onde a [[UXT]] e a [[Confederación Nacional do Traballo|CNT]] tiñan unha grande implantación, vivírase unha especie de revolución de carácter [[socialismo|socialista]] con tinguidura [[libertaria]]s.

O Consello Soberano −que se atribuíra poderes que eran competencia única do Goberno da República− presidíao [[Belarmino Tomás]] e nel estaban representadas as diferentes organizacións políticas e sindicais do [[bando republicano]] en Asturias como a [[Federación Socialista Asturiana|FSA]]-[[PSOE]], a [[CNT]], a [[Federación Anarquista Ibérica|FAI]], a [[Federación Ibérica de Juventudes Libertarias|JJLL]], a [[Juventudes Socialistas Unificadas|JSU]], o [[Partido Comunista de España|PCE]], a [[UXT]] e [[Izquierda Republicana]]. Unha parte destas organizacións da [[Fronte Popular (España)|Fronte Popular]] criticará a actuación, cualificando a idea de prexudicial, antiunitaria e [[cantonalismo|cantonalista]].