A orixe divina dos ''hijras'' provén dunha lenda de hai máis de 20.000 anos, segundo a cal [[Krishna]], ao sentir a un soldado moribundo que se lamentaba de morrer solteiro, se transformou en doncela. Por esta razón cada ano celébrase en [[Kutayan]], ao sur da India, unha peregrinación á que acoden ''hijras'' de todo o país para celebraren as súas nupcias co deus. Para esta ocasión vístense con galas de noiva e, rememorando a morte do soldado, os ''hijras'' convértense en [[Viuvez|viúvas]] cortando as súas pulseiras e os seus adornos festivos.
Algúns ''hijras'' cástranse voluntariamente. Antes facíano en condicións de hixiene insuficientes, o cal provocaba a morte de undun de cada dez. A pesar de que a lexislación india prohibe a castración desde [[1860]], nalgunhas clínicas aínda é común que se practique. Despois de ser castrado, o ''hijra'' cumpre cun último rito: verter [[leite]] nun regato como símbolo da perda da súa fertilidade. Os hindús cren que os ''hijras'', ao renunciaren a ter [[fillo]]s propios, teñen facultades para bendicir o maldicir. Por iso cando nace un neno, os ''hijras'' acoden a festexar o nacemento con cantos, bendicións e augurios de longa vida e prosperidade, así como para libralo do [[mal de ollo]]. A cambio reciben [[arroz]], [[azucre]] e [[diñeiro]]. Se os ''hijras'' consideran que reciben pouca cantidade como esmola, o neno pode recibir maldicións como, por exemplo, a [[impotencia]].<ref>{{Cita web|url=http://www.enkidumagazine.com/art/2004/251004/E_034_251004.htm|título=Los Hijras|dataacceso=28/06/2010|autor=''S.C.M. DOÑA JUANA LA LOCA''|apelidos=|nome=|ligazónautor=|coautores=|data=|ano=|mes=|formato=Htm|obra=|editor=www.enkidumagazine.com|páxinas=|lingua=|doi=|urlarquivo=https://web.archive.org/web/20100303170212/http://www.enkidumagazine.com/art/2004/251004/E_034_251004.htm|dataarquivo=03/03/2010|urlmorta=si}}{{es}}</ref>
