Sebastián González García-Paz: Diferenzas entre revisións

Fillo de [[Bernardino González Paz]]. Estudou o bacharelato no [[IES Sánchez Cantón|Instituto de Pontevedra]] e Filosofía e Letras na [[Universidade de Santiago de Compostela]]. Fixo o doutoramento en Filosofía e Letras en Madrid (1930), coa tese ''El colegio de San Clemente de Pasantes de Compostela''. Regresou a Compostela e obtivo a praza de auxiliar da Sección de Arte e tivo ao seu cargo as cátedras de Arqueoloxía e Historia da Arte. En 1931 conseguiu unha bolsa para ampliar os estudos de prehistoria e estivo en Francia e Alemaña. Colaborou co [[Seminario de Estudos Galegos]], do que foi membro do Consello Director e para o que logrou uns locais no edificio de Fonseca, onde se instalaron a biblioteca e o museo de etnografía. participou xunto a [[Florentino López Cuevillas]] no proxecto de catalogación dos castros galegos e escavou, entre outros, os castros de [[Domaio,Castro Moañade Montealegre|Montealegre (Domaio)]], [[Castro de Santa Trega|Santa Trega]], [[Taboexa, As Neves|Taboexa]] e [[Castro de San Cibrao de Las|San Cibrao de Las]]. Formou parte das [[Irmandades da Fala]] e asistiu á asemblea que se organizou na Coruña; máis tarde ingresou no [[Partido Galeguista (histórico)|Partido Galeguista]]. Foi membro correspondente da [[Real Academia Galega]].<ref>[http://www.realacademiagalega.org/plenario?p_p_id=ManageChairs_WAR_ragportal&p_p_lifecycle=0&p_p_state=normal&p_p_mode=view&p_p_col_id=column-1&p_p_col_count=1&_ManageChairs_WAR_ragportal_action=listNoAcademic&_ManageChairs_WAR_ragportal_selLetter=G Membros da Academia]</ref>