Anarquismo: Diferenzas entre revisións

Os pensamentos, reflexións e ideas anarquistas máis antigas das que se teñen constancia proceden do filósofo chinés [[Lao TséZi]], oposto ao Estado e á autoridade relixiosa ou de calquera outro tipo, e considerado por moitos como o primeiro anarquista coñecido.

Na Antiga Grecia podemos atopar a [[Zenón de Citio]], outro pensador anarquista moi antigo. Á Antiga Grecia pertence tamén o primeiro uso coñecido da palabra "[[anarquía]]", na obra [[Os sete contra Tebas]] ([[-467 a. C.|467 a. C.]]) de [[Esquilo]], se ben é certo que o termo se empregaba entón cun sentido negativo, non como referente a unha doutrina contraria á autoridade; sería Proudhon quen usaría ese termo moitos anos máis tarde para se referir aos seus ideais. Algúns historiadores atopan no discurso e as obras de [[Xesús de Nazaret]] unha gran presenza dos valores anarquistas.