Machu Picchu: Diferenzas entre revisións

Por volta de 1440, durante a súa campaña cara a [[Vilcabamba, Ecuador|Vilcabamba]], a Valgada de Picchu foi conquistada por [[Pachacuti]],<ref>Segundo Rowe, iso recollese nas crónicas do século XVI de Martín de Murúa e de [[Miguel Cabello Valboa]] ([[#Rowe|Rowe]] 1990: páx. 143)</ref> primeiro [[emperador inca]] (1438-1470). O emprazamento de Machu Picchu debeu impresionar ao monarca polas súas peculiares características dentro da xeografía sacra cusqueña.<ref>O tema foi estudado en Reinhard (1991) onde o autor atopa abundantes indicios de aliñacións e relacións visibles dende Machu Picchu entre montañas consideradas sacras, [[huacas]] e o percorrido do sol en datas clave do calendario andino.</ref> e por iso mandaría a construír alí, por volta de [[1450]], un complexo urbano con edificacións de gran luxo civís e relixiosas.<ref>A data provén de dúas fontes: por unha banda os documentos presentados por Glave e Remy (1983) e John Rowe (1990), que suxiren que Pachacuti fixo construír Machu Picchu na década de 1450, e por outro, o datado radiocarbónico obtido por Reinaldo Chohfi e Rainer Berger no recinto 6 das Colcas de Machu Picchu (Valencia e Gibaja 1992: 317).</ref>

 

 

Machu Picchu non era de ningún xeito un complexo illado, polo que o mito da "cidade perdida" e do "refuxio secreto" dos emperadores incas carece de base. Os vales que confluían na valgada formaban unha rexión densamente poboada que incrementou espectacularmente a súa produtividade agrícola a partir da ocupación inca en 1440.<ref>Os traballos do Proxecto Cusichaca ([[#Kendall|Kendall]], 1988: 100) indican que se producía un 90% de excedentes agrícolas na área. Que se facía deles? Todo indica que abastecían ao aínda máis poboado Valle Sagrado e á relativamente próxima capital inca en [[Cuzco]]</ref> Os incas construíron alí moitos centros administrativos, os máis importantes dos cales foron [[Patallacta]] e [[Quente]] <ref>Marca,[[#Kendall|Kendall]], 1988: 99</ref> e abundantes complexos agrícolas formados por [[socalco]]s de cultivo. Machu Picchu dependía destes complexos para a súa alimentación, pois os campos do sector agrario da cidade resultarían insuficientes para abastecer á poboación.<ref>Valencia e Gibaja: 324</ref> A comunicación intrarrexional era posible grazas ás redes de camiños incas: 8 camiños chegaban a Machu Picchu.<ref>Valencia e Gibaja 1992: 22</ref> A pequena urbe de Picchu chegouse a diferenciar das poboacións veciñas pola singular calidade dos seus principais edificios.