Moeda da Antiga Roma: Diferenzas entre revisións

As moedas son un dos testemuños máis coñecidos da vida económica da Antiga Roma<ref>Michel Christol, Daniel Nony. ''Rome et son empire, des origines aux invasions barbares.'' Hachette. 2003. Páxina 167. ISBN 2011455421</ref>. Os comezos do estudo do monetario romano remóntanse xa a varios séculos. A partir do [[século XVIII]], coleccionistas e eruditos empezaron a constituír os primeiros "gabinetes de medallas" (denominaban deste xeito as moedas antigas), onde se acumulaban, clasificaban e estudaban as súas adquisicións. Entre eles, é de salientar o [[Gabinete de Medallas da Biblioteca Nacional de Francia|Gabinete de Medallas de París]], dependente da [[Bibliothèque nationale de France|Biblioteca Nacional de Francia]]. Da fusión de varios destes inventarios xurdiron os primeiros catálogos numismáticos, cada vez máis exhaustivos, que repertoriaban as emisións segundo os seus tipos, motivos ou lugares de emisión.

 

Unha ilustración deste proceso a finais do [[século XIX]] dánola [[Henry Cohen]], autor dun famoso catálogo que abrangue decenas de milleiros de moedas imperiais, titulado ''[[Description historique des monnaies frappées sous l'Empire romain]].'' No seu limiar, Cohen describe o seu estudo dos inventarios de museos de [[Turín]], de [[Dinamarca]] e de [[Viena]], así como as coleccións do [[Departamento de Moedas e Medallas do Museo Británico|Departamento de Moedas e Medallas]] do [[Museo Británico]] e do Gabinete de Medallas da Biblioteca Nacional de Francia. Este último enriqueceu os seus fondos co legado de aficionados como o [[Anne Claude de Caylus|Conde de Caylus]], que seguía moi de preto as primeiras [[Arqueoloxía|descubertas arqueolóxicas]] de [[Herculano]] e [[Pompeia]] a principios do século XVIII.<ref>Cohen, Henry (1882). Tomo I. Limiar. Páxina XI.</ref>