Charles Manson: Diferenzas entre revisións

'''Charles Milles Manson''', nado en [[Cincinnati, Ohio|Cincinnati]] ([[Ohio]]) o [[12 de novembro]] de [[1934]] co nome de '''Charles Milles Maddox''' e finado en [[Bakersfield]] ([[California]]) o [[19 de novembro]] de [[2017]]<ref>{{Cita web|url=https://noticias.uol.com.br/internacional/ultimas-noticias/2017/11/20/assassino-charles-manson-morre-aos-83-anos.htm|páxina-web=noticias.uol.com.br|título=Assassino Charles Manson morre aos 83 anos|data-acceso=2019-02-01|lingua=pt-br}}</ref>, foi un criminal [[Estados Unidos de América|estadounidense]] fundador e líder de The Family, un grupo sectario [[hippie]] de [[California]] a finais dos anos 1960. Condenado por ordenar os asasinatos o [[8 de agosto]] de [[1969]] de [[Sharon Tate]], dona do realizador de cinema [[Roman Polanski]], e dos seus convidados e o día seguinte os de [[Leno e Rosemary LaBianca]].

Na época na que se formou The Family, Manson era un exconvito desempregado, que pasara a metade da súa vida en institucións correccionais por varios delitos. No período inmediatamente anterior ós asasinatos, Manson conseguíu entrar no mundo da industria musical dos [[Os Ánxeles|Ánxeles]] pola súa amizade con [[Dennis Wilson]], membro de [[the Beach Boys]], só despois de ser acusado dos crimes, as cancións escritas e cantadas por el saíron ó mercado, artistas como [[Guns N' Roses]]<ref>{{Cita web|url=https://www.youtube.com/watch?v=vdjOIVVbAd8|apelidos=Calu Capel|título=Guns N' Roses - Look at your game girl (Charles Manson Cover,Hidden Track)|data-acceso=2019-02-01}}</ref> e [[Marilyn Manson]] gravaron as súas cancións nas décadas seguintes.

Condenado á pena de morte, a súa sentenza quedou reducida a cadea perpetua ó eliminar temporalmente o [[Tribunal Supremo de California]] a pena de morte en [[1972]]. Nos seus últimos anos cumpriu condena na prisión estatal de [[Corcoran]]. O [[19 de novembro]] de [[2017]], contra as 20:13 (hora local), morreu en [[Bakersfield]] ([[California]]), tras varios días internado nun hospital do [[condado de Kern]], ós 83 anos.<ref>{{Cita web|url=https://www.hollywoodreporter.com/news/charles-manson-dead-mastermind-behind-murder-sharon-tate-was-83-961205|páxina-web=The Hollywood Reporter|título=Charles Manson, Satanic Mastermind Behind Murder of Actress Sharon Tate, Dies at 83|data-acceso=2019-02-01|lingua=en}}</ref>