Ceca de Santiago de Compostela: Diferenzas entre revisións

[[Ficheiro:Rúa da Moeda Vella. Santiago de Compostela. Galiza.jpg|miniatura|Rúa da Moeda Vella, onde estaba a [[Casa de moeda|ceca]] de Santiago nos primeiros anos, antes de ser trasladada a outro lugar hoxe descoñecido<ref>Pita Fernández, R. (1999). Páxinas 66-68.</ref>]]

Foi o [[arquidiocese de Santiago de Compostela|bispo de Santiago de Compostela]], [[Diego Páez]] quen en 1078 lle solicitou ó rei o privilexio de [[Cuñaxe|cuñar]] moeda para facer fronte ós gastos ocasionados polas obras na [[catedral de Santiago de Compostela|catedral]]. No ano [[1085]] foille retirado o privilexio de cuñaxe á igrexa compostelá logo da detención do propio bispo, non obstante a [[Casa de moeda|ceca]] seguiu a [[Cuñaxe|bater moeda]] pero administrada pola coroa.

Con [[Xelmírez]] á cabeza do episcopado compostelán reactívanse as obras catedralicias e solicítase o privilexio de cuñar moeda, o que consegue no ano [[1107]] para el e os seus sucesores e en [[1109]] consegue o dereito para a cuñaxe de moedas de prata, aínda que o certo é que non se conserva ningunha moeda en prata labrada na ceca compostelá.