Diferenzas entre revisións de «Ritmo»

sen resumo de edición
Trátase dun trazo básico de tódalas [[arte]]s, especialmente da [[música]], da [[poesía]] e da [[danza]]. Na música, a maioría das definicións tradicionais refírense ó ritmo como forza dinámica e organizativa da música. A natureza do ritmo é primordialmente subxectiva. A idea de regularidade define o ritmo, pero non é a única xa que unha das primeiras definicións de ritmo na [[historia da música]] está relacionada coa súa raíz grega (''rheos'', fluír), estabelecendo así unha relación directa co movemento. Ademais, pódense atopar múltiples definicións que implican movemento, orde e periodicidade en relación ó ritmo musical. Porén, existen definicións dende o punto de vista da percepción temporal: ‘o ritmo describe [...] eventos en escalas temporais dentro dos limiares da [[memoria a curto prazo]]’.<ref name="Snyder">Snyder, Bob: [https://books.google.es/books?id=Nln3xTYQwt4C&pg=PA161 ''Music and memory'']. MIT, 2000, p. 161.</ref> Neste senso, Clarke<ref name="Clarke">Clarke, Eric: «Rhythm and timing in music». [https://books.google.es/books?id=A3jkobk4yMMC ''The Psichology of Music''], ed. Diana Deutsch. Academic Press, 1999, p. 473.</ref> define o ritmo musical como ‘fenómenos temporais de pequena e mediana escala’.
 
Nas [[artes escénicas]], o ritmo é a cronoloxía dos acontecementos a escala humana, dos sons musicais e os silencios, dos pasos dunha danza ou a [[Métrica (poesía)|métrica]] da [[linguaxe falada]] e a [[poesía]]. O ritmo tamén pode referirse á presentación visual, como ‘o movemento programado a través do espazo’<ref>[http://char.txa.cornell.edu/language/principl/rhythm/rhythm.htm «Rhythm»]. ''Art, Design and Visual Thinking''. Consultado o 13-08-2012.</ref> e unha linguaxe común a xeito de patrón que une o ritmo coa [[xeometría]]. Asemade, o significado xeral de ritmo como repetición ou patrón regular no [[tempo]] pode aplicarse a unha ampla variedade de [[natureza|fenómenos naturais]] cíclicos que teñen unha [[periodicidade]] ou [[frecuencia]] que pode ir dende [[microsegundo]]s a millóns de [[ano]]s.
 
== Notas ==
249.850

edicións