Theodore Roosevelt, Jr.: Diferenzas entre revisións

Foi un político americano que vén dunha rica familia de colonos holandeses establecida en América desde o século XVII, entrou no [[Partido Republicano (Estados Unidos de América)|partido republicano]] e converteuse no líder da tendencia imperialista.

Secretario agregado á Mariña (1897-98), dimitiu para encabezar un corpo de cabaleiros voluntarios, o "Rough Riders" que se destacarían contra os españois durante a [[guerra de Cuba]]. Feito un heroe popular, elixírino como Gobernador de Nova York (1899-1900) logo Vicepresidente dos Estados-Unidos (1900) e, a partir de setembro de 1901, sucedeu ao Presidente [[William McKinley|McKinley]], que acababa de ser asasinado. Reelixido en 1904, permaneceu na presidencia durante oito anos (1901-09).

Nos asuntos exteriores, efectuou unha política activa e enérxica, afirmándoa, por unha referencia un tanto abusiva da doutrina de Monroe, o dereito dos Estados-Unidos a intervir en todos os asuntos latinoamericanos; logo de fomentar unha secesión en [[Colombia]], obtivo da nova República de [[Panamá]] a concesión necesaria para construír unha canle e unha franxa de territorio de 15 quilómetros de ancho, para unir o mar Pacífico ao mar Caribe. A [[Canle de Panamá|canle]] sería inaugurada en 1914. Rompendo así co longo illamento no que se atopaban os Estados-Unidos, interviu activamente na política mundial, proporcionou a súa mediación na guerra ruso-xaponesa, fíxose representar na conferencia de Alxeciras e erixiuse como o campión da arbitraxe internacional, o que lle valeu o [[Nobel da Paz]] (1906).