Diocese católica latina de Donostia: Diferenzas entre revisións

A '''diocese de Donostia''' é unha [[diocese]] [[Igrexa Católica Latina|católica]] sufragánea da [[Arquidiocese de Pamplona e Tudela]], creada en [[1949]] polo [[papa]] [[Pío XII]], segregada da [[diocese de Vitoria]]. A súa catedral é a [[Catedral do Bo Pastor de Donostia|Igrexa do Bo Pastor]], sendo outros templos importantes as basílicas de Nuestra Señora del Coro, de [[Santuario de Arantzazu|Arantzazu]] e de [[Santuario de Loiola|Loiola]]. O bispo actual é [[José Ignacio Munilla]].

 

A diocese abrangue o territorio da provincia civil de [[Guipúscoa]]. Está dividida en 216 [[parroquia eclesiástica|parroquias]], estruturadas en 14 [[arciprestazgo]]s: Antiguo, Arrasate-Bergara, Azpeitia, Eibar, Hernani, Herrera-Alza, Irún, Ordizia, Rentería, San Ignacio, Santa María, Tolosa, Zarautz e Zumarraga.

 

Limita coas dioceses de [[diocese de Bilbao|Bilbao]], [[diocese de Vitoria|Vitoria]], [[Arquidiocese de Pamplona e Tudela|Pamplona e Tudela]] e [[diocese católica latina de Baiona|Baiona]].

 

Historicamente o territorio que abrangue a diocese estivo dividido entre tres dioceses, [[diocese de Baiona|Baiona]], [[arquidiocese de Pamplona e Tudela|Pamplona]] e [[diocese de Calahorra]]. Pola [[bula]] ''«In Celcissima»'' de setembro de [[1861]] erixiuse a diocese de Vitoria, que comprendía todos os territorios da actual [[Comunidade Autónoma Vasca]].<ref>[http://books.google.it/books?id=tSMRAAAAYAAJ&printsec=frontcover#v=onepage&q&f=false Bula ''In celsissima''], en ''Pii IX Pontificis Maximi Acta. Pars prima'', Vol. III, Roma 1864, páxinas 262–280 {{la}}</ref>

 

A diocese de Donostia, sufragánea da [[arquidiocese de Pamplona e Tudela]], foi creada durante o pontificado do papa [[Pío XII]] coa bula ''«Quo commodius»'' do [[2 de decembro]] de [[1949]], que foi publicada varios meses máis tarde, o [[1 de xullo]] de [[1950]].<ref name="AAS49">[http://www.vatican.va/archive/aas/documents/AAS%2042%20%5B1950%5D%20-%20ocr.pdf Bula ''Quo commodius''], AAS 42 (1950), p. 535 {{la}}</ref> Foi erixida dentro do territorio da [[diocese de Vitoria]] xunto coa tamén nova [[diocese de Bilbao]], abarcando á provincia civil de [[Guipúscoa]]. Dende a súa creación até o [[11 de agosto]] de [[1956]] foi sufragánea, como as outras dous dioceses vascas, da [[arquidiocese de Burgos]], pasando a pertencer despois á provincia eclesiástica de Pamplona e Tudela.

 

A diocese ten como patróns ao fundador da [[Compañía de Xesús]], San [[Ignacio de Loiola]] (nado en [[Azpeitia]]), e á [[advocación mariana]] da [[Virxe de Arantzazu]].

 

* [[Juan María Uriarte]], ([[13 de xaneiro]] de [[2000]] - [[21 de novembro]] de [[2009]], retirado)

* [[José Ignacio Munilla]], ([[21 de novembro]] de [[2009]] - actualidade)

{{Listaref}}

 

 

[[Categoría:Divisións territoriais católicas en España|Donostia]]

[[Categoría:Guipúscoa]]