Antigo Exipto: Diferenzas entre revisións

O primeiro problema xorde polo feito de que os exipcios non utilizaron un sistema de datación homoxéneo: non tiñan un concepto dunha era similar ao [[Anno Domini]], ou o costume de nomear os anos, como en [[Mesopotamia]] (véxase [[Limmu]]). Databan con referencia aos reinados dos diversos faraóns, solapando posiblemente os interregnos e as épocas de [[correxencia]]. Un problema engadido xorde ao comparar as distintas [[Listas Reais de Exipto|Listas Reais]] de [[faraón]]s, pois están incompletas ou con datos contraditorios, ata no mesmo texto. As obras do mellor historiador sobre Exipto, [[Manetón]], perdéronse e só as coñecemos a través de [[epítome]]s de escritores posteriores como [[Flavio Xosefo]], [[Eusebio de Cesarea]], [[Sexto Xulio Africano]] ou o monxe [[Xurxo Sincelo]]. Desafortunadamente as datas dalgúns reinados varían dun a outro autor.

=== Os inicios da civilización exipcia ===

 

Ao longo do Nilo, no [[Mesolítico|XI milenio a. C.]], unha cultura de recolectores de gran fora substituída por outra de [[Cinexética|cazadores]], [[pesca]]dores e recolectores que usaban [[Idade da Pedra|ferramentas de pedra]]. Os estudos tamén indican asentamentos humanos no suroeste de Exipto, preto da fronteira con [[Sudán]], antes do 8000 a. C. A evidencia [[xeoloxía|xeolóxica]] e estudos [[climatoloxía|climatolóxicos]] suxiren que os cambios do [[clima]], ao redor do 8000 a. C., comezaron a desecar as terras de caza e pastoreo de Exipto, conformándose paulatinamente o [[deserto do Sáhara]]. As tribos da rexión tenderon a agruparse cerca do río, onde xurdiron pequenos poboados que desenvolveron unha economía agrícola. Hai evidencias de pastoreo e do cultivo de [[cereal|cereais]] no leste do Sáhara no VII milenio a. C.