Diferenzas entre revisións de «Factor X»

Na etapa 3 ou de xeración da trombina, o [[factor XI]]a activa o factor IX libre sobre a superficie de plaquetas activadas. O factor IXa activado co [[factor VIII]]a forma o [[tenase|complexo "tenase"]] (do inglés ''ten'', 'dez', xa que activa o factor X). Este complexo "tenase" activa máis factor X, o cal, á súa vez, forma novos complexos protrombinase co factor Va. O factor Xa é o principal compoñente do complexo protrombinase, que converte grandes cantidades de protrombina (a chamada "explosión de trombina"). Cada molécula do factor Xa pode xerar mil moléculas de trombina. Esta grande explosión de trombina é a responsable da [[polimerización]] da [[fibrina]] para formar un [[trombo]].
 
A inhibición da síntese ou da actividade do factor X é o mecanismo de acción de moitos anticoagulantes que se usan hoxe. A warfarina, un derivado sintético da [[coumarina]], é o anticoagulante oral máis comunmente usado nos EUA, mentres que nos países europeos se usan outros derivados da coumarina, como o [[fenprocoumón]] e o [[acenocoumarol]]. Estes axentes coñecidos como [[antagonista da vitamina K|antagonistas da vitamina K]], inhiben a [`[carboxilación]] dependente da [[vitamina K]] dos factores II (protrombina), VII, IX e X nos [[hepatocito]]s. Esta carboxilación despois da [[tradución de proteínas|tradución]] é esencial para a actividade fisiolóxica.<ref>{{cite book |last=Golan |first=D. E. |year=2012 |title=Principles of Pharmacology The Pathophysiologic Basis of Drug Therapy |location=Philadelphia |publisher=Lippincott Williams & Wilkins |page=387 |isbn=978-1-4511-1805-6}}</ref>
 
A heparina (heparina non fraccionada) e os seus derivados [[heparina de baixo peso molecular|heparinas de baixo peso molecular]] (LMWH) únense a un cofactor [[plasma sanguíneo|plasmático]], a [[antitrombina|antitrombina (AT)]] para inactivar varios factores de coagulación, o IIa, Xa, XIa e XIIa. A afinidade da heparina non fraccionada e as varias LMWH polo factor Xa varía considerablemente. A eficacia dos anticoagulantes baseados na heparina increméntase a medida que se incrementa a selectividade polo factor Xa. O LMWH mostra un aumento da inactivación do factor Xa comparado coa heparina no fraccionada, e o fondaparinux, un axente baseado na secuencia pentasacárida esencial da heparina, mostra máis selectividade que a LMWH. Esta inactivación do factor Xa polas heparinas denomínase "indirecta", xa que depende da presenza de antitrombina e no dunha interacción directa co factor Xa.
194.130

edicións