Belchite: Diferenzas entre revisións

Como consecuencia da Guerra Civil a vila quedou completamente arrasada, se ben até entón chegara a ser unha vila de certa importancia, albergando até dous mosteiros e varias igrexas. Franco decidiu reconstruílo xusto ao carón, deixando as ruínas da ''vila vella'' de Belchite intactas como recordo da contenda. Os encargados da construción da nova vila foron principalmente prisioneiros republicanos, para os cales habilitouse un [[campo de concentración]] nas proximidades, cuxos restos aínda se conservan, e que permaneceu aberto desde [[1940]] até [[1945]], chegando a albergar a 1.000 prisioneiros a cargo da [[Dirección General de Regiones Devastadas]]. Os derradeiros habitantes do Belchite vello abandonaron as súas ruínas en [[1964]] para reasentarse na nova vila.<ref>[{{Cita web |url=http://usuarios.lycos.es/antoniomarinlopera/belchite.htm |título=Las ruinas de belchite.] |data-acceso=15 de outubro de 2010 |urlarquivo=https://web.archive.org/web/20090422003516/http://usuarios.lycos.es/antoniomarinlopera/belchite.htm |dataarquivo=22 de abril de 2009 |urlmorta=si }}</ref> As ruínas, sen acondicionar para o turismo, son visitadas por máis de 10.000 persoas ao ano.