Alpes: Diferenzas entre revisións

* Como [[fronteira]] entre os Alpes e os [[Apeninos]] adóitase tomar á [[Bocchetta di Altare]], a 459 [[Nivel medio do mar|msnm]]. Este límite esténdese ao longo do percorrido da autoestrada A6.

* O [[mar Mediterráneo]] baña os contrafortes do sueste dos Alpes Occidentais, nas provincias de [[provincia de Imperia|Imperia]] e [[provincia de Savona|Savona]] na [[Liguria]], e o departamento dos [[Alpes Marítimos]], a [[Provenza-Alpes-Costa Azul]].

* O val do [[río Ródano]] supón a marcada separación en sentido sur-norte entre os Alpes Occidentais e o [[Macizo Central|Macizo Central Francés]] ata onde recibe as augas do [[río Isère]]. A partir de aquí o Isère segue os límites alpinos ata o cóbado de Voiron, onde unha liña sur-norte dunha treintena de quilómetros enlaza de novo o Ródano á altura da desembocadura do Guiers. Neste punto e ata o [[lago Léman]] na beira dereita do Ródano atópase a [[cordilleira do Xura]].

* Unha paisaxe pouco accidentada a uns 500 [[Nivel medio do mar|msnm]] enlaza en trinta quilómetros o lago Lemán co de [[Lago de Neuchâtel|Neuchâtel]], a partir do cal o [[río Aar]] fai de fronteira dos Alpes e o Xura ata que desemboca no [[Río Rin|Rin]].